ریاست راجستھان کے دارالحکومت جے پور کے کربلا علاقے میں گزشتہ ماہ 29 ستمبر کو پیش آئے معراج عرف بابا خان قتل معاملے میں آج برہمپوری تھانہ پولیس نے چار لوگوں کو گرفتار کیا ہے۔ پولیس ان تمام لوگوں سے پوچھ گچھ کر رہی ہے۔ اس معاملے میں جلد ہی پولیس کی جانب سے کچھ انکشاف کیا جاسکتا ہے۔
اس معاملے کے حوالے سے اے سی پی سوربھ تیواری نے بتایا کہ برہمپوری تھانہ پولیس نے معراج عرف بابا خان قتل معاملے میں چار لوگوں کو گرفتار کیا ہے۔ ہم تمام گرفتار ملزمین سے پوچھ گچھ کر رہے ہیں۔
مزید پڑھیں:دہلی: فائرنگ میں زخمی ہیڈ کانسٹبل فوت
انہوں نے بتایا کہ برہمپوری تھانہ میں اس پورے قتل معاملے میں بابا خان کے اہل خانہ کی جانب سے 16 لوگوں کے خلاف معاملہ درج کروایا تھا۔ اس ایف آئی آر کے بعد ہم لوگوں نے مختلف ٹیم تشکیل کی اور اب ہم لوگوں کی جانب سے مسلسل کاروائی کو عمل میں لایا جا رہا ہے۔ انہوں نے کہا کہ اس پورے معاملے میں جو جو لوگ قصوروار ہیں ان لوگوں کو کسی بھی صورت میں بخشا نہیں جائے گا۔
واضح رہے کہ 29 ستمبر کو جے پور کے کربلا علاقہ میں معراج عرف بابا خان نام کے ایک شخص کا چاقو مار کر قتل دیا گیا تھا۔
