ریاست راجستھان کے دارالحکومت جے پور میں میونسپل کارپوریشن انتخابات کے تحت آج صبح دس بجے سے جے پور ہیریٹیج نگر نگم اور گریٹر نگر نگم کے میئر کے ووٹنگ شروع ہوئی تھی، اس انتخاب کے نتائج جاری کیے جا چکے ہیں۔
جے پور شہر ہیریٹیج نگر نگم میں کانگریس پارٹی کی امیدوار مونیش گرجر مئیر بن چکی ہیں۔ مونیش گرجر کو 100 میں سے 56 ووٹ ملے ہیں جبکہ بی جے پی کی جانب سے بنائی گئیں میئر امیدوار کسوم یادو کو 44 ووٹ ملے ہیں۔ بی جے پی کے امیدوار کسوم یادو کو شکست کا سامنا کرنا پڑا ہے۔
وہیں جے پور گریٹر نگر نگم سے سومیا گرجر فتح حاصل کر میئر بن چکی ہیں۔ سومیا گرجر کو 150 میں سے 97 ووٹ حاصل ہوئے ہیں۔
وہیں کانگریس پارٹی کی جانب سے بنائی گئی میئر امیدوار دویا سنگھ کو محض 53 ووٹ ہی ملے ہیں۔
یئر بننے کے بعد سومیا گرجر بی جے پی کے سینیئر رہنماؤں سے ملاقات کرنے کے لیے بی جے پی کے ریاستی دفتر پہنچ چکی ہیں۔
واضح رہے کہ راجستھان میں 29 اکتوبر اور 1 نومبر کو جے پور جودھ پور اور کوٹا کے 6 نگر نگم میں 2 مرحلوں میں انتخاب مکمل ہوئے تھے۔
