ادے پور میں کنہیالال ٹیلر قتل معاملے کو لے کر آج جے پور بند کا اعلان ہندوتوا تنظیموں کی جانب سے کیا گیا۔ Jaipur Closed Today
اس اعلان کے بعد میں دارالحکومت جے پور میں پولیس کافی مستعد ہے، باقاعدہ جگہ جگہ پر بیریکٹینگ لگائی گئی ہے، چپہ چپہ پر پولیس کے جوان تعینات کیے گئے ہیں، وہی سویل ڈریس میں بھی الگ الگ علاقوں میں پولیس کے جوان گشت کرتے ہوئے نظر آرہے ہیں، اس پورے بند کی ڈی سی پی شمال پریش دیشمکھ خود مونیٹرنگ کررہے ہیں۔
انہوں نے ای ٹی وی بھارت اردو سے خاص بات چیت کے دوران کہا کہ چند تنظیموں اور دکانداروں نے بند کی حمایت دی ہے جس کے بعد ہم لوگوں کی جانب سے خاص بندوبست علاقے میں کیا گیا ہے، انہوں نے کہا کی میری جانب سے الگ الگ علاقوں کے تھانہ انچارج کی میٹینگ بھی لی گئی ہے، جہاں جہاں پر ضرورت ہے اس حساب سے پولیس کے جوان مختلف علاقوں میں تعینات کیے گئے ہیں۔
راجستھان کے وزیراعلی اشوک گہلوت آج صبح گیارہ بجے دارالحکومت جے پور سے ادے پور کے لیے روانہ ہوں گے اور وہاں اس قتل معاملے میں ہلاک ہونے والے شخص کنہیالال ٹیلر کے اہل خانہ سے ملاقات کریں گے۔ اور انھیں 50 لاکھ روپئے کا معاوضہ فراہم کریں گے۔
