الور: راجستھان کے الور میں انڈو تبتی بارڈر پولیس (آئی ٹی بی پی) کے 9ویں ایل ڈی سی ای کورس کے 42 تربیت یافتہ کی حلف برداری کی تقریب آج منعقد کی گئی۔ اس موقع پر منوج سنگھ راوت، ایڈیشنل ڈائرکٹر جنرل، ویسٹرن کمانڈ، انڈو تبت بارڈر پولیس فورس، نشیتھ چندرا، ڈپٹی انسپکٹر جنرل، پرنسپل سینٹرل ٹریننگ کالج، مقامی معززین، قریبی دیہاتوں کے خصوصی مہمان، الور اور رام گڑھ کے اساتذہ اور بچے اور بنیادی تربیت حاصل کرنے کے بعد فورس میں شامل ہونے والے ماتحت افسران کے اہل خانہ بھی موجود تھے۔ LDCE Course Trainees Oath Ceremony
ہند تبت بارڈر پولیس فورس کی بڑھتی ہوئی تربیتی ضروریات کے پیش نظر سنٹرل ٹریننگ کالج کا تصور پیش کیا گیا تھا اور 25 اگست 2013 کواس وقت کے نائب صدر حامد انصاری نے موجودہ مقام پر انسٹی ٹیوٹ کا سنگ بنیاد رکھا تھا۔
یہ مرکز حال میں انڈو تبت بارڈر پولیس فورس کا ایک خصوصی ادارہ ہے، جہاں نئے تعینات ہونے والے سب انسپکٹر امیدواروں کو بنیادی تربیت کے ساتھ ساتھ فورس کے ماتحت افسروں اور جوانوں کو مختلف قسم کی تربیت دی جاتی ہے۔ یہ مرکز حال میں ہند-چین چوکسی، انتخابات کے درمیان اور داخلی حفاظت میں ڈیوٹی کے ساتھ ساتھ انسداد نکسل آپریشنز میں تعینات ماتحت کور کے افسران اور جوانوں کو تربیت دے رہا ہے۔ پچھلے 7 سالوں میں انسٹی ٹیوٹ نے 15000 سے زیادہ فورس کے اہلکاروں کو تربیت دی جا چکی ہے۔
یو این آئی
