اسلامی سال کے پہلے ماہ کا چاند نظر آنے کے بعد بھارتی ریاست راجستھان میں مبارکباد کا سلسلہ شروع ہوگیا ہے۔ مسلم برادری کے لوگوں نے سوشل میڈیا سمیت واٹس ایپ پر اسٹیٹس لگائے اور فون کر کے ایک دوسرے کو مبارکباد بھی دی۔
چاند کے پیش نظر ہلال کمیٹی کی ایک اہم میٹنگ دارالحکومت جے پور میں ہوئی، جہاں پر یہ فیصلہ لیا گیا کہ جمعہ کے روز چاند کی پہلی تاریخ ہوگی اور یوم عاشورہ 30 اگست بروز اتوار کو ہوگا۔
ہلال کمیٹی کے کنوینر اور راجستھان کے چیف قاضی خالد عثمانی نے بتایا کہ الحمداللہ ہجری سنہ 1442 کا چاند نظر آ چکا ہے، میں تمام لوگوں کو مبارکباد پیش کرتا ہوں اور کل جمعہ کے روز محرم کی پہلی تاریخ ہوگی۔
عالمی وبا کورونا کے پیش نظر چیف قاضی نے مسلمانوں سے اپیل کرتے ہوئے کہا کہ جو حکومت کی جانب سے ایڈوائزری جاری کی گئی ہے اس کا مکمل طور پر خیال رکھیں اور سماجی دوری کا خاص خیال رکھا جائے اور بلا وجہ گھر سے باہر نہ نکلا جائے۔
