راجستھان حکومت نے ریاست میں ویکینڈ کرفیو نافذ کرنے کا اعلان کیا Weekend Curfew in Rajasthan جس کے بعد سنیچر کی رات 11 بجے سے پیر کی صبح تک لاک ڈاؤن نافذ کیاگیا۔
ویکینڈ کرفیو کا اثر اجمیر شہر Weekend Curfew in Ajmer میں بھی دیکھا گیا، جہاں شہر کی دکانیں اور دیگر کاروبار مکمل طور پر بند رہے۔
اس دوران اجمیر کے ایس پی وکاس شرما نے خود شہر بھر کے انتظامات کا جائزہ لیا۔ ایس پی شرما نے کہا کہ لوگ ویکینڈ کرفیو کے اصولوں پر پوری طرح عمل کر رہے ہیں۔
شہر کے بعض علاقوں میں گھروں سے باہر نکلنے والے لوگوں سے پولیس نے وجہ پوچھی اور گھر سے باہر ضروری کام سے آنے والوں کو ہی اجازت دی گئی۔
اس کے علاوہ درگاہ علاقہ اور مسلم علاقے میں ویکینڈ کرفیو Weekend Curfew کا زبردست اثر رہا۔ جہاں درگاہ بازار پوری طرح سے ویران دکھائی دے رہا تھا اور کورونا گائیڈ لائنز کے مطابق لوگ اپنے گھروں میں ہی تھے۔
ملک بھر سے اجمیر پہنچنے والے زائرین نے بھی اپنے مہمان خانوں اور ہوٹلوں میں رہنے کو ترجیح دی، جبکہ درگاہ شریف میں عام زائرین کے داخلے پر بھی پابندی عائد کردی گئی تھی۔
