دہلی: ایک بیان میں محکمہ انکم ٹیکس نے کہا کہ یہ چھاپہ گزشتہ 3 اگست کو مارا گیا تھا۔ یہ کارروائیاں جواہرات اور زیورات، مہمان نوازی اور رئیل اسٹیٹ کے کاروبار میں شامل ہیں۔ یہ تلاشی آپریشن جے پور اور کوٹا میں واقع تین درجن سے زیادہ احاطوں میں کیا گیا۔ تلاشی کے دوران بڑی تعداد میں قابل اعتراض دستاویزات اور ڈیجیٹل ثبوت ملے اور ضبط کر لیے گئے۔
ریئل اسٹیٹ کے کاروبار کے ضبط شدہ شواہد کے تجزیے سے پتہ چلتا ہے کہ اس گروپ نے رہائشی مکانات اور زمین کی فروخت پر نقد رقم وصول کرکے بڑے پیمانے پر ٹیکس چوری کی ہے جس کا باقاعدہ لیجر میں اندراج نہیں ہے۔ اس کے علاوہ تلاشی کے دوران جواہرات و زیورات کی فروخت سے متعلق شواہد بھی ملے۔ تلاش سے یہ بات بھی سامنے آئی کہ اس طرح کمائی گئی بے حساب آمدنی کوزمین، لگژری ہوٹلوں کی تعمیر میں لگائی گئی اوراس کا استعمال نقد قرض دینے میں بھی کیاگیا۔ ضبط شدہ شواہد میں ان نقد قرضوں پر حاصل کردہ سود کی تفصیلات ہوتی ہیں جسے اکاؤنٹ کی کتابوں میں درج نہیں کیاگیا۔
ابتدائی تحقیقات سے اشارہ ملتا ہے کہ گروپ نے 150 کروڑ روپے سے زیادہ کی بے حساب آمدنی حاصل کی ہے۔ سرچ آپریشن میں اب تک 11 کروڑ روپے سے زائد کے بے حساب اثاثے ضبط کیے جا چکے ہیں۔
یہ بھی پڑھیں: Gang Rape with Minor in Rajasthan: راجستھان میں نابالغ لڑکی کے ساتھ اجتماعی زیادتی اور بڑی بہن کا اغوا
