بھارتی فضائیہ کا مِگ-21 بائسن طیارہ تکنیکی خرابی کی وجہ سے سری گنگانگر کے سورت گڑھ میں گر کر تباہ ہوگیا ہے۔ اگرچہ پائلٹ اس میں محفوظ ہے۔ فوج نے حادثے کی تحقیقات کے لئے کورٹ آف انکوائری کا حکم دیا ہے۔
راجستھان کے سری گنگانگر کے سورت گڑھ میں ایک مِگ-21 بائسن طیارہ گر کر تباہ ہوگیا ہے۔ فوج کے مطابق ایم آئی جی 21 بائسن طیارہ فنی خرابی کے سبب شام 8 بجکر 15 منٹ پر گر کر تباہ ہوا۔ یہ حادثہ سورت گڑھ کے ایئر بیس کے آس پاس ہوا، اگرچہ پائلٹ محفوظ ہے۔
فوج کے ذریعہ اس حادثے کے لینڈنگ کی وجوہات کے بارے میں عدالت انکوائری کو ہدایات دی گئی ہیں۔ طیارہ تربیتی سارٹی پر نکلا تھا، لیکن یہ ٹیک آف کے فوراً بعد گر کر تباہ ہوگیا۔ تاہم جان و مال کے نقصان، کسی بھی طرح کی کوئی اطلاع نہیں ہے۔
