راجستھان سے عازمین حج 2020 جو اس مرتبہ عالمی وباء کورونا کے قہر کی وجہ سے مقدس سفر حج پر نہیں جا پائے تھے ان تمام لوگوں کی رقم اور ان کے پاسپورٹ ان لوگوں کو تقسیم کرنا شروع کیے جا چکے ہیں، اگر بات کی جائے راجستھان کی تو راجستھان میں ان تمام لوگوں کے پاسپورٹ ڈاک کے ذریع بھیجے جا رہے ہیں، لیکن ڈاک کے ذریعے بھیجنے کے درمیان جو عازمین حج تھے ان کے سامنے ان کے پتہ میں پریشانی بھی آرہی ہیں۔
اس پریشانی کو لے کر راجستھان حج ویلفیئر سوسائٹی کے ذمہ داران نے مطالبہ کیا ہے کہ ان لوگوں کی پریشانی کا حل نکالا جائے، راجستھان حج ویلفیئر سوسائٹی کے جنرل سیکرٹری حاجی نظام الدین کا کہنا ہے کہ اس پورے معاملے کو لے کر راجستھان حج کمیٹی کی ذمہ داران ہے ان سے بات ہوئی ہے، حاجی نظام الدین کا کہنا ہے کہ جب میری وہاں کے ملازمین سے بات ہوئی تھی تو میں نے ان سے یہی کہا تھا کہ یہ بہت ضروری کاغذات ہیں اس لیے ضروری کاغذات کا صحیح پتہ پر پہنچنا لازمی ہے۔
یہ بھی پڑھیں: ’’چند تاریخیں بھارت کی عوام کو ہمیشہ یاد رہیں گی‘‘
ان کاغذات کو ہاتھ کے ذریعے ہی دیا جائے ڈاک کے ذریع نہیں بھیجا جائے، لیکن راجستان حج کمیٹی کے ذمہ داران نے یہ فیصلہ لیا کہ یہ تمام پاسپورٹ اور دیگر کاغذات ڈاک کے ذریع بھیجے جائیں گے، حاجی نظام الدین کا کہنا ہے موجودہ حالات کو دیکھتے ہوئے داک سے بھیجنا تو اچھا کام ہے لیکن جو جو لوگ کرائے کے مکان میں یا دیگر مقامات پر رہ رہے ہیں ان تمام لوگوں کو ڈاک کے ذریعے پاسپورٹ نہیں مل رہے ہیں، میرے پاس بھی کافی فون لوگوں کے آرہے ہیں۔
حاجی نظام الدین کا کہنا ہے کی اگر لوگوں کی شکایت کی تعداد میں اضافہ ہوتا ہے تو ہماری سوسائٹی کی جانب سے راجستھان حج کمیٹی کے ذمہ داران کو خط بھی لکھا جائے گا۔
