لیکن اگر بات کی جائے راجستھان میں ریاستی حج کمیٹی کی تو یہاں پر کمیٹی کے ممبر اور کمیٹی کا صدر ہی نہیں بنائے گئے ہیں۔ دراصل ریاستی حج کمیٹی کے ممبروں کو حکومت کی جانب سے بنایا جاتا ہے۔ جس کے بعد سبھی ممبر اپنا صدر منتخب کرتے ہیں، جسے چیئرمین کہا جاتا ہے۔
واضح رہے کہ ریاست راجستھان میں گذشتہ ڈیڑھ ماہ قبل بی جے پی حکومت کے چیئرمین امین خان پٹھان تھے اور ان کی میعاد پوری ہوچکی تھی، اور یہی وجہ ہے کہ اس وقت سے ہی یہاں پر نئی کمیٹی نہیں بنائی گئی ہے۔
وہیں بی جے پی کی کمیٹی کی میعاد پوری ہونے کے بعد ریاستی کانگریس حکومت کی جانب سے جمیل احمد قریشی کو حج کمیٹی کا منتظم بنایا گیا ہے، جو پورا کام دیکھ رہے ہیں ہیں۔
لیکن چیئرمین کسے بنایا جائے گا اس بارے میں کسی کے پاس کوئی بھی معلومات نہیں ہے۔
راجستھان حج ویلفیئر سوسائٹی کے جنرل سکریٹری حاجی نظام الدین کا کہنا ہے کہ چیئرمین نہیں بنانے کی وجہ سے حکومت نے منتظم کو پورا کام سپرد کر دیا ہے۔ انہوں نے کہا کے حکومت کو چاہیے کی جلد سے جلد چیئرمین کی نامزدگی کریں تاکہ حج امور کی کاروائی کو تیز کیا جاسکے۔
