بی جے پی کی جانب سے راجستھان Amit Shah Rally in Rajasthan میں منعقد عوامی نمائندوں کی کانفرنس میں امت شاہ نے کہا کہ وزیراعلیٰ اشوک گہلوت کو اپنی تجوری عزیز ہے۔ مرکزی اور بی جے پی حکومت والی ریاستوں میں پٹرول کی قیمتوں میں کمی کی گئی ہے لیکن راجستھان میں کانگریس حکومت نے ایسا نہیں کیا۔
امت شاہ نے اشوک گہلوت کو پٹرول اور ڈیزل کی قیمتوں میں کمی کا مشورہ دیتے ہوئے کہا کہ اگر وہ ایسا نہیں کریں گے تو عوام انہیں راستہ دکھائیں گے۔
انہوں نے کہا کہ کانگریس حکومت نے انتخابات میں بیروزگاری بھتہ دینے اور کسانوں کے قرض معاف کرنے کا وعدہ کیا تھا لیکن یہ دونوں وعدے پورے نہیں ہوئے۔ کانگریس پارٹی جھوٹے وعدے کرکے حکومت میں آئی ہے۔
مرکزی وزیر داخلہ امت شاہ نے Amit Shah on Gehlot Government کہا کہ کانگریس رہنما راہل گاندھی Congress Leader Rahul gandhi نے جے پور میں کہا تھا کہ کسانوں کے قرض دس دنوں میں معاف کر دیئے جائیں گے لیکن ایسا نہیں کیا گیا وہیں وزیراعظم نریندر مودی نے 11 کروڑ کسانوں کے قرض معاف کر دیئے ہیں۔
ریاست میں امن و امان کی صورتحال کا ذکر کرتے ہوئے امت شاہ نے کہا کہ یہ حکومت 'لو اور آرڈر کرو' کی پالیسی پر کام کر رہی ہے جس کی وجہ سے لوٹ کے معاملوں میں 40 فیصد، اغوا میں 25 فیصد، جنسی زیادتی میں 21 فیصد، دلت مظالم میں 42 فیصد کا اضافہ ہوا۔
انہوں نے الزام لگایا کہ گہلوت حکومت غریبوں کو کوئی سہولت فراہم نہیں کر رہی ہے اور اس نے وسندھرا حکومت کی فلاحی اسکیموں کو بند کر دیا ہے یا پھر توڑ مروڑ دیا ہے۔
وزیر داخلہ نے مزید کہا کہ اشوک گہلوت کہتے ہیں کہ بی جے پی ہماری حکومت گرانا چاہتی ہے جبکہ ان کی حکومت کے لوگ بھی بھاگ رہے ہیں۔ میں کہنا چاہتا ہوں کہ کوئی بھی کانگریس حکومت کو گرا نہیں رہا ہے۔ بی جے پی ایسا کبھی نہیں کرے گی اور عوام کے سامنے جاکر انتخابات میں زبردست اکثریت حاصل کرے گی۔
یو این آئی رپورٹ
