پولیس ذرائع نے بتایا کہ کشن پورہ پک اپ ویئر کے نزدیک ندی پارتی کے کنارے پرسہاریا ذات کے لوگ غیر قانونی طور پر بجری نکال رہے تھے کہ دوپہر تقریباََ ایک بجے اچانک مٹی گر گئی ۔
اس سے سات افراد دب گئے۔ اطلاع موصول ہونے پر پولیس موقع پر پہنچی اور جے سی بی کی مدد سے بجری کو ہٹا کر انھیں نکال لیا۔
پولیس نے بتایا کہ اس دوران دم گھٹنے سے روی (20) ، بچن (28) ، پھولابھائی (45) اور سیما (17) کی موت ہو گئی ۔
ان میں سے دو کی موقع پر ہی موت ہوگئی اور دونے اسپتال جاتے ہوئے دم توڑ دیا ، جب کہ پریا (16) بادل (16) اور سورو (15) زخمی ہوگئے۔ انہیں اٹرو کے اسپتال لے جایا گیا جہاں سے باراں بھیج دیا گیا ۔ پولیس اس معاملے کی جانچ کر رہی ہے۔
