ریاست راجستھان میں جے پور میونسپل کارپوریشن انتخابات کے لیے تشہیر کا آج آخری روز ہے۔ آخری روز کے آخری مرحلے میں جو بھی امیدوار ہیں چاہے وہ کانگریس سے تعلق رکھتے ہوں، بی جے پی سے یا پھر آزاد امیدوار کے طور پر میدان میں نظر آرہے ہیں، سبھی اپنی پوری طاقت لگاتے ہوئے نظر آرہے ہیں۔
ایسے میں مشہور کامیڈین احسان قریشی نے بھی کانگریس کے حق میں ووٹ کرنے کی اپیل کرتے ہوئے دارالحکومت جے پور میں نظر آئے۔ یہاں انہوں نے وارڈ نمبر 12 سے کانگریس کے امیدوار صفیہ بانو کے حق میں انتخابی پروگرام میں خطاب کیا۔
پروگرام کی بعد انہوں نے ای ٹی وی بھارت سے خاص بات چیت کے دوران کہا کہ گلابی شہر کا جنون دیکھ کر کافی زیادہ اچھا لگا۔ جمہوریت کی سچی قدر کرنے والے لوگ یہاں پر رہتے ہیں۔
انہوں نے کہا کہ ایک روز قبل 28 اکتوبر کو بہار میں انتخاب ہوں گے اور 29 اکتوبر کو دارالحکومت جے پور میں انتخابات ہوں گے۔ ایسے میں ہم لوگوں کو کافی زیادہ اچھا لگ رہا ہے۔
انہوں نے کہا کہ چاہے میونسپل کارپوریشن کے انتخابات ہوں، اسمبلی یا پھر پارلیمنٹ کا انتخابات ہوں، گلابی شہر کی عوام ہر طرح سے انتخابات میں اپنا تعاون کرتی ہوئی نظر آتی ہے۔ ایک جشن کے طور پر یہ پروگرام مکمل ہوا۔ اس لیے مجھے یہاں پر آکر کافی اچھا لگا۔
ایک سوال کے جواب میں انہوں نے کہا کہ انتخاب لڑنے کا ان کا کوئی ارادہ نہیں ہے کیونکہ میں لوگوں کو وقت نہیں دے پاؤں گا، اس لیے جو لوگ کام کرتے ہیں وہی لوگ انتخاب میں اپنی قسمت آزماتے ہیں تو ہمیں اچھا لگتا ہے، ہم تو بس جمہوریت کے اس جشن کا مزہ لیتے ہیں۔
