'راجستھان حکومت کی الٹی گنتی شروع ہو چکی ہے'

بی جے پی رہنما راٹھور نے کہا کہ 'ہماری پارٹی میں کسی بھی طرح کا کوئی اختلاف نہیں ہے کیونکہ یہ کانگریس پارٹی نہیں ہے، جہاں اختلافات ہیں۔ ہم سب متحد ہیں۔'

راجستھان میں جاری سیاسی رسہ کشی کے دوران سابق نائب وزیراعلیٰ اور سینیئر کانگریس رہنما سچن پائلٹ کو پارٹی سے نکالے جانے کے بعد بھارتیہ جنتا پارٹی کے رہنماؤں نے ریاستی حکومت پر حملہ بول دیا ہے۔

خاص طور پر سچن پائلٹ، رمیش مینا اور نریندر سنگھ کے پارٹی سے نکالے جانے کے بعد بائب حزب اختلاف کے رہنما راجن راٹھور نے کہا ہے کہ ' وزیراعلی ایس او جی کے ذریعہ نائب وزیر اعلی کو نوٹس بھیج کر گرفتاری بھی کروا سکتے ہیں۔

ریاستی بی جے پی ہیڈکوارٹر میں صحافیوں سے بات کرتے ہوئے راٹھور نے کہا کہ اگرچہ بی جے پی اس طرح کی سازش کی مذمت کرتی ہے، لیکن اس واقعے کے بعد ایسا محسوس کیا جارہا ہے کہ اب سچن پائلٹ کو ایس او جی کے ذریعہ زیادہ دکھایا جائے گا۔

راجن راٹھور کہا کہ '3 درجن سے زائد اراکین اسمبلی کی حمایت کانگریس کھو چکی ہے۔ تقریبا 46 اراکین اسمبلی ابھی بھی کانگریس سے علیحدہ ہیں۔ ایسی صورتحال میں حکومت کا جانا طے ہے، یعنی اس حکومت کی الٹی گنتی شروع ہو چکی ہے۔'

نائب حزب اختلاف رہنما راجیندر راٹھور نے کہا کہ 'منگل کو ہی بی جے پی رہنماؤں کی میٹنگ کے دوران گلابچند کٹاریہ نے سابق وزیر اعلی وسندھرا راجے سے فون پر تبادلہ خیال کیا۔'

انہوں نے بتایا کہ 'بدھ کے روز سابق وزیر اعلی وسندھرا جے پور آئیں گی اور میٹنگ میں شرکت کریں گی۔

راٹھور نے کہا کہ 'ہماری پارٹی میں کسی بھی طرح کا کوئی اختلاف نہیں ہے کیونکہ یہ کانگریس پارٹی نہیں ہے جہاں اختلافات ہیں۔ ہم سب متحد ہیں۔'