جے پور پولیس کمشنریٹ کے برہم پوری تھانے میں مسلم تنظیموں کے عہدیداران کے ساتھ پولیس محکمہ کے افسران کی بدسلوکی کا معاملہ اب طول پکڑتا ہوا نظر آرہا ہے۔
جی ہاں بدسلوکی کے اس پورے معاملے کو لے کر مسلم تنظیموں کے عہدیداران کے ساتھ ساتھ اب اراکین اسمبلی بھی جے پور پولیس کمشنر Jaipur Police Commissioner سے ملاقات کی۔ جن پولیس افسران نے مسلم تنظیموں کے عہدیداران کے ساتھ بدتمیزی Insults to Officials of Muslim Organizations کی ہے ان پر کاروائی کا مطالبہ کیا۔
جے پور کے آدرش نگر اسمبلی حلقے سے رکن اسمبلی رفیق خان اور کشن پول اسمبلی حلقے سے رکن اسمبلی امین کاغذی کا کہنا ہے کے جس طرح سے مسلم تنظیموں کے عہدیداران کے ساتھ میں بدسلوکی کی گئی ہے وہ ہم لوگوں کو کسی بھی صورت حال میں منظور نہیں ہے، اس لئے آج ہم لوگ جے پور کمشنر سے ملاقات کرنے کے لیے پہنچے ہیں۔
جے پور کمشنر کی جانب سے ہم لوگوں کو اس بات کا بھروسہ دلایا گیا ہے کہ جن افسران نے مسلم تنظیموں کے عہدیداران کے ساتھ بدسلوکی کی ہے ان پر کاروائی کی جائے گی۔ ان دونوں ہی اراکین اسمبلی کا کہنا ہے کہ جن لوگوں کے ساتھ میں بدسلوکی کی گئی ہے ان کی جانب سے ایک شکایت بھی کمشنر کو دی گئی ہے۔
یہ پورا معاملہ دراصل جے پور کے کربلا علاقے میں واقع مسجد میں مسلم تنظیموں کے عہدیداران جمعہ کی نماز ادا کرنے کے لیے پہنچے تھے، اس دوران وہاں پر موجود اے سی پی کی جانب سے ان لوگوں کو برہم پوری پولیس تھانے لے جایا گیا اور ان کے ساتھ میں بدسلوکی کی گئی۔
