ملک بھر میں دو بارہ پھیل رہے کورونا وائرس کے اثرات کے سبب حکومتیں محتاط ہوگئی ہیں۔ خصوصی طور پر راجستھان حکومت اس ضمن میں کوئی بھی احتیاطی پہلو چھوڑنا نہیں چاہتی۔ حکومت نے ریاست کے مختلف شہروں میں چند پابندیاں بھی عائد کررکھی ہے۔
راجستھان حکومت کے نائب سکریٹری بھریندر جین نے حکومت کی جانب سے جاری کیے جانے والے آرڈر میں کہا ہے کہ کلاس چھ اور سات کے امتحانات اسکول کی سطح پر 12 سے 15 اپریل تک ہوں گے اور کلاس آٹھ کا امتحان بورڈ کی طرز پر لیا جائے گا۔ جب کہ کلاس 6،7،8،9 اور 11 کے نتائج کا اعلان 30 اپریل کو کیا جائے گا اور اگلے درجات میں داخلہ یکم مئی سے شروع ہوگا۔
یو این آئی
