اجمیر: ریاست راجستھان میں واقع عالمی شہرت یافتہ درگاہ اجمیر شریف کی انتظامیہ کمیٹی نے تمام خادموں کے لئے شناختی کارڈ مہیا کرنے کا فیصلہ کیا ہے۔ اس منصوبے پر کام شروع ہو چکا ہے۔ چند دنوں کے اندر ہی اس پر منصوبے پر عمل درآمد کیا جائے گا۔ اس سلسلے میں مرکزی اقلیتیں امور وزیر اسمرتی ایرانی کے ساتھ درگاہ کمیٹی نمائندوں کی جلد ہی میٹنگ ہونے والی ہے۔
غور طلب ہے کہ مرکزی حکومت کی تشکیل شدہ درگاہ کمیٹی کی مدت ختم ہونے والی ہے۔ امید کی جا رہی ہے کی جون مہینہ سے قبل ہی نئی درگاہ کمیٹی کی تشکیل مرکزی وزارت اقلیتی امور کی جانب سے کر دی جائے گی۔ایسے میں موجودہ درگاہ کمیٹی ممبران درگاہ کے التوا ترقیاتی کام جلد مکمل کر کے نئی کمیٹی میں واپس آنے کی امید کر رہے ہیں۔ یہی وجہ ہے کہ تمام درگاہ کمیٹی کے ممبران چاہتے ہیں کی درگاہ کمیٹی کی آخری میٹنگ مرکزی اقلیتی امور کی وزیر اسمرتی ایرانی کے ساتھ ہو جہاں وہ مختلف مسائل پر تبادلہ خیال کر سکے۔
یہ بھی پڑھیں: Ration Kits Distribution in Dungarpur رمضان المبارک سے قبل تین سو ضرورت مندوں میں راشن کی تقسیم
موجودہ درگاہ کمیٹی پر درگاہ میں ترقیاتی کاموں کو انجام دینے میں ناکام ہونے کا الزام عائد کیا گیا ہے۔ خصوصی طور پر ہائی کورٹ کے حکم و ضابط اخلاق کو درگاہ کمیٹی نافذ کرانے میں بے حد جدوجہد کرتی نظر آئی ہے۔ اطلاعات کے مطابق درگاہ کمیٹی اور ضلع انتظامیہ کو مرکزی حکومت کی جانب سے تاکید کی گئی ہے کی درگاہ کے خادموں کو عدالتی حکم کے مطابق پہچان کر انہیں شناختی کارڈ جاری کئے جائے۔
