اجمیر:انجمن کے اراکین حاجی سید احتشام چشتی اور حاجی سید عمران چشتی نے بتایا کہ خانہ بدوشوں نے گلی محلے میں ڈیرے ڈال رکھے ہیں اور آئے روز مقامی لوگ اور زائرین ان کا نشانہ بنے ہوئے ہیں۔
اس سلسلے میں مقامی کارکنوں کی طرف سے انجمن میں مسلسل شکایات موصول ہو رہی تھیں۔ انجمن میں موصول ہونے والی شکایات میں لوگوں کا کہنا تھا کہ رات کے وقت خواتین کے ساتھ چھینا جھپٹی کے واقعات ہو رہے ہیں۔ خدشہ ہے کہ مجرمانہ قسم کے خانہ بدوش درگاہ کے علاقے خادم محلہ سمیت آس پاس کے علاقوں میں کوئی بڑا جرم کر سکتے ہیں۔
انہوں نے مزید کہاکہ حال ہی میں ایک خانہ بدوش مجرمانہ قسم کے شخص کی سی سی ٹی وی فوٹیج بھی منظر عام پر آئی ہے جو ایک خاتون کے ساتھ ہونے والے واقعے میں ملوث ہے۔
یہ بھی پڑھیں:Urs Shareef خواجہ غریب نوازؒ کے دو مریدین کا عرس
چشتی کے مطابق درگاہ پولیس اسٹیشن میں اس حوالے سے ایک ویڈیو اور تصویر دکھائی گئی اور مناسب کارروائی کرنے کی درخواست کی گئی۔ درگاہ تھانے کے افسر نے کہا ہے کہ اس سلسلے میں خانہ بدوشوں کے خلاف جلد مہم چلائی جائے گی۔ درگاہ تھانے کے افسر سے ملاقات کے وقت دیگر خادمین بھی موجود تھے۔
