اجمیر ضلع کلکٹر اور پولیس کپتان نے خصوصی ٹیم کے ساتھ درگاہ علاقے کا جائزہ لیا۔ ویکینڈ کرفیو اور دیگر ضلع سے اجمیر کی سرحد میں داخل ہونے والے لوگوں کو کئی پابندیوں کے ساتھ اجمیر میں داخل ہونے کی اجازت دی جا رہی ہے۔
اجمیر میں گزشتہ کل سات سو سے زیادہ کورونا متاثرین مریض پائے گئے۔ یہی وجہ ہے کہ شہر کے بازاروں میں پولیس کی بہت سختی دیکھی جا رہی ہے۔
عالمی شہرت یافتہ حضرت خواجہ معین الدین چشتی رحمۃ اللہ علیہ کی درگاہ اور اس کے آس پاس کے مسلم علاقوں کا اجمیر ضلع کلکٹر پرکاش راج پروہت اور پولیس کپتان جگدیش چندر شرما نے جائزہ لیا۔ درگاہ بازار, دھان منڈی, مدار گیٹ, ریلوے اسٹیشن روڈ اور دیگر علاقوں میں سختی سے بازار بند کروانے اور بلاوجہ بازاروں میں گاڑی پر گھومتے لوگوں کی گاڑی ضبط کرنے کی کارروائی انجام دینے کا حکم دے دیا۔
اجمیر پولیس کے مطابق ریاستی حکومت کی گائیڈ لائن کو عملی جامہ پہنانے کے لیے تمام متعلقہ محکمہ کے افسران کو آگاہ کر دیا گیا ہے۔ اس کے علاوہ کورونا وبا سے محفوظ رکھنے کے لیے عوام سے دو گز دوری - منہ پر ماسک لگانے اور اپنے ہاتھوں کو سینیٹائز کرنے کی گزارش کی جا رہی ہے۔
