ریاست راجستھان کے ٹونک میں کانگریس کارکنان کی جانب سے ٹونک کے چیئرمین علی احمد کی قیادت میں ضلع ہیڈکواٹر پر حکومت کے خلاف احتجاج کیا گیا، جس میں اشوک گہلوط کے خلاف مردہ باد کے نعرے لگائے گئے۔
اس دوران ایک ریلی بھی نکالی گئی جو جیل روڈ سے روانہ ہوکر ٹونک کے مختلف راستوں سے ہوتے ہوئے ضلع ہیڈ کوارٹر پہنچی، جہاں سینکڑوں کی تعداد میں جمع کانگریسی کارکنان نے ریاست کے وزیر اعلی اشوک گہلوت کے خلاف نعرے بازی بھی کی۔
واضح رہے کہ ریاست میں اردو کے پیش نظر جس طرح سے ڈانڈی یاترا نکالی جا رہی ہے، راجستھان کے کئ اضلاع میں اس کی حمایت بھی ملتی نظر آرہی ہے۔
اردو کو لے کر مسلم سماجی تنظیموں کے ساتھ ساتھ کانگریس، بھارتی جنتا پارٹی، راشٹریہ لوک تانتریک پارٹی کی جانب سے مسلس احتجاجی مظاہرے کیے جا رہے ہیں۔
