ریاست راجستھان کے دارالحکومت جے پور کے موتی ڈونگری روڈ علاقے میں رہنے والے ابو قریشی گزشتہ 20 برسوں سے یوم آزادی اور یوم جمہوریہ عید کی طرح مناتے ہوئے نظر آتے ہیں۔
ابو قریشی یوم جمہوریہ اور یوم آزادی کے موقع پر خود بہترین انداز میں تیار ہوتے ہیں اور خود کے ساتھ اپنی ٹیکسی کو ترنگے سے سجا دیتے ہیں۔
یوم جمہوریہ اور یوم آزادی کے موقع پر ان کی ٹیکسی جس علاقے سے نکلتی ہے اس ٹیکسی سے یہ نیچے اترتے ہیں اور وہاں پر لڈو عوام کو تقسیم کرتے ہیں۔
ایسے میں ان کی اس تہوار سے محبت دیکھ کر ہر ایک ان کی تعریف کرتا ۔
خاص بات یہ ہے کہ ابو قریشی یوم جمہوریہ اور یوم آزادی کے موقع پر 20 برسوں میں تین لاکھ روپے سے زیادہ اپنے اوپر اور اپنی ٹیکسی کے اوپر خرچ کرچکے ہیں۔
ابو قریشی سے اس ضمن میں ای ٹی وی بھارت نے بات چیت کرنا چاہی لیکن انہوں نے کہا کی میں کیمرے کے سامنے نہیں آنا چاہتا بس اتنا کہنا چاہوں گا کہ موجودہ وقت میں جس طرح کے حالات ملک میں چل رہ ہیں ان حالات کے پیش نظر آج میں بہت غمزدہ ہوں۔
ابو قریشی نے کہا کہ 'اسلام ملک سے محبت کرنا سکھاتا ہے اس لیے ہم لوگ ملک سے بے پناہ محبت کرتے ہیں ہمیں اپنے ملک پر ناز ہے'۔
