بالی ووڈ گلوکار راجہ حسن نے ایک ویڈیو جاری کر کے نور فاطمہ کی مدد کرنے کی اپیل کی ہے۔
گلوکار راجہ حسن نے کہا کہ نور فاطمہ زندگی اور موت کے درمیان ایس ایم اے نام کی بیماری سے مقابلہ کر رہی ہے۔
انہوں نے کہا کہ جس بیماری سے نور فاطمہ متاثر ہوئی ہے وہ کافی خطرناک بیماری ہے۔ اس بیماری میں جسم کا آدھا حصہ کام نہیں کرتا ہے اور اس بیٹی کو بچانے کے لیے دنیا کا سب سے مہنگا علاج ضروری ہے۔
انہوں نے کہا کہ اس بچی کو سب سے مہنگا ٹیکا جس کی قیمت 16 کروڑ روپے ہے وہ لگے گا۔ میں چاہوں گا کہ سبھی لوگ اس بچی کی مدد کریں، جتنی زیادہ ہو سکے بچی کی مدد کی جائے، اس بچی کو بچانے کے لیے ایک آرگنائزیشن آگے آئی ہے۔
مزید پڑھیں:
بریلی: زری کے کاریگروں پر کورونا کا قہر، معاشی بحران سے دوچار
واضح رہے کہ 3 روز قبل نور فاطمہ کے تعلق سے ای ٹی وی بھارت نے ایک خبر بھی شائع کی تھی اور اب دھیرے دھیرے عوام نور فاطمہ کی مدد بھی کرتے ہوئی نظر آرہے ہیں۔
