اپنے بیانوں کی وجہ سے سرخیوں میں رہنے والی بالی ووڈ اداکارہ کنگنا رناوت راجستھان کے دورے پر ہیں۔کنگنا رناوت منگل کے روز بیکانیر پہنچی۔
اطلاع کے مطابق کنگنا ضلع چورو میں ایک فلم کی شوٹنگ کے سلسلے میں راجستھان آئی ہیں۔کنگنا بدھ کے روز بیکانیر سے چورو کے لیے روانہ ہونگی۔
گنگنا فلم کی شوٹنگ میں حصہ لیں گی اور تقریبا تین سے چار دن تک شوٹنگ میں ہی مصروف رہیں گی۔کنگنا کے بیکانیر کے نال ائیرپورٹ پر پہنچنے کے بعد سیکورٹی کے لحاظ سے انہیں ائیرپورٹ کے دوسرے راستے سے کار میں بیٹھا کر شہر کے ایک تاریخی ہوٹل کے لیے روانہ کیا گیا۔
واضح رہے کہ کنگنا رناوت کو وائی زمرے کی سیکورٹی فراہم کی گئی ہے، ایسے میں کنگنا کی سیکورٹی کافی سخت نظر آئی۔حالانکہ کنگنا کے ائیرپورٹ پر پہنچنے کے ساتھ ہی کچھ مداحوں نے اس سخت سیکورٹی کے درمیان سیلفی لینے میں کامیابی حاصل کرلی۔
کنگنا رناوت حال ہی میں اپنے بیانات کی وجہ سے سرخیوں میں رہی ہیں، جس میں اقربا پروری اور ٹیکس سے متعلق ان کے بیان کافی زیربحث رہے۔
