مرکزی وزیر اور بی جے پی کے سینیئر رہنما گجیندر سنگھ شیخاوت نے کہا کہ 'جس کسی کو بی جے پی اور اس کے نظریات پر بھروسہ ہے اس کے لیے پارٹی کے دروازے کھلے ہوئے ہیں ہم اس کا استقبال کریں گے۔
گجیندر سنگھ شیخاوت کا یہ بیان ایسے وقت میں آیا ہے جب کانگریس پارٹی نے سچن پائلٹ کو پارٹی سے برطرف کر دیا ہے اور اب بھارتیہ جنتا پارٹی کے لیڈران کی جانب سے اس طرح کے بیانات کا آنا بھی یہی ثابت کرتا ہے کہ وہ چاہتے ہیں کہ سچن پائلٹ بی جے پی میں شامل ہوں۔
حالانکہ ابھی تک سچن پائلٹ کی جانب سے کسی بھی طرح کا کوئی بیان سامنے نہیں آیا ہے کہ وہ کس پارٹی میں جائیں گی یا پھر نئی پارٹی تشکیل دیں گے۔
گجیندر سنگھ شیخاوت نے کہا کہ 'اگر کوئی بھی شخص بھارتیہ جنتا پارٹی میں شامل ہونا چاہتا ہے اور اس کے نظریات پر بھروسہ کرتا ہے تو ہم سب اس کا پارٹی میں خیر مقدم کریں گے۔
انہوں نے راجستھان کے وزیراعلیٰ اشوک گہلوت پر تنقید کرتے ہوئے کہا کہ 'راجستھان میں جاری سیاسی ہنگامہ آرائی کے پیچھے اشوک گہلوت کا ہاتھ ہے اور وہ اس ہنگامہ آرائی کے پیچھے اپنی حکومت کی ناکامیاں چھپانا چاہتے ہیں اور اس کے لیے وہ گزشتہ 6 ماہ سے منصوبہ بندی کر رہے تھے۔'
واضح رہے کہ راجستھان میں جاری سیاسی اتھل پتھل پر سابق وزیراعلیٰ وسندھرا راجے سندھیا نے ابھی خاموشی اختیار کر رکھی ہے۔
