ریاست راجستھان میں بی جے پی اقلیتی مورچہ کی جانب سے کل ریاستی حکومت کے خلاف پورے ریاست میں احتجاجی مظاہرہ کیا جائے گا۔ بی جے پی اقلیتی مورچہ کے ریاستی صدر ایم صادق خان کی جانب سے اس احتجاجی مظاہرہ کا اعلان کیا گیا ہے۔
کل پورے راجستھان میں ہونے والے احتجاجی مظاہرے کے بارے میں معلومات فراہم کرتے ہوئے ایم صادق خان نے بیان جاری کر بتایا کہ کل یعنی جمعرات کو پورے راجستھان کے ہر ضلع ہیڈکوارٹر اور ہر تحصیلی سطح پر کانگریس حکومت کے خلاف احتجاجی مظاہرہ کیا جائے گا۔
مزید پڑھیں:قبر کو پکا کرنا یا مزار بنانا غلط - مفتی خالد
انہوں نے بتایا کہ جس طرح سے راجستھان کی کانگریس حکومت اقلیتوں کو نظر انداز کر رہی ہے اور وزیراعلی اشوک گہلوت اقلیتوں سےکیے ہوئے وعدوں کو مکمل نہیں کرپار ہی ہے۔ انہیں تمام موضوع کو لے کر ہم کل سڑکوں پر اتریں گے اور احتجاجی مظاہرہ کریں گے۔
انہوں نے بتایا کہ دارالحکومت جے پور میں احتجاجی مظاہرہ سول لائن علاقہ میں کیا جائے گا۔ واضح رہیں کے راجستھان میں دفعہ 144 نافذ اور احتجاجی مظاہرے سمیت دیگر پروگراموں پر پابندی لگی ہوئی ہے۔
