بی جے پی کے سینئر رہنما کالی چرن سراف کی قیادت میں جئے پور کے ضلع کلکٹر کو یہ میمورینڈم دیا گیا۔
میمورنڈم کے ساتھ ساتھ بی جے پی رہنماؤں کی جانب سے مالوی نگر اسمبلی حلقہ میں چلائی دستخط مہم کے بینرز بھی کلیکٹر کو دیے گئے۔
بی جے پی رہنما کالی چرن شراف نے میمورنڈم میں کیے گئے مطالبات کے بارے میں بتاتے ہوئے کہا کہعالمی وبأ کورونا وائرس کے درمیان تین ماہ تک جو دکانیں پوری طرح سے بند رہیں نوکریاں پوری طرح سے بند رہیں اور بعد میں جس طرح سے بجلی کے بل میں 12 فیصد اضافہ کر کے بجلی بل لوگوں کو تھمایا گیا اس سے عام عوام کی کمر ٹوٹ گئی ہے۔
انھوں نے مزید کہا کہ جے پور کلیکٹر کو اسی وجہ سے یہ میمورنڈم دیا گیا ہے اور یہ مطالبہ کیا ہے کہ گزشتہ تین ماہ تک جو کورونا کا دورہ رہا ہے ان مہینوں کے بجلی بلوں کو معاف کیا جائے، اسی طرح سے جو بجلی کے چار ماہ کے بعد ایک ساتھ آئے ہیں ان کو بھی الگ الگ قسطوں میں لوگوں کے گھروں پر بھیجا جائے۔
کالی چرن سراف نے یہ بھی کہا کہ پہلے تو حکومت نے یہ اعلان کیا تھا کہ وہ بجلی بل معاف کریں گے لیکن بعد میں چار ماہ کا بل ایک ساتھ دے دیا گیا یہ کہاں کا انصاف ہے۔
کالی چرن سراف نے کہا کہ ہمارا تیسرا مطالبہ یہ ہے کہ اسکول کی فیس پوری طرح سے معاف نہیں کی جاسکتی لیکن جو بھی مناسب ہو اس میں کمی کی جائے کیوںکہ تین ماہ تک کسی طرح سے کوئی بھی تعلیم اسکولوں میں نہیں دی گئی ہے۔
