اجمیر: کرناٹک کے وزیر بی زیڈ ضمیر کی سیاسی میدان میں کامیابی کےلئے اجمیر کی دھان منڈی علاقہ سے چادر کا ایک جلوس بھی بڑی عقیدو احترام کے ساتھ نکالا گیا اور خواجہ صاحب کی بارگاہ میں چادر پیش کر خصوصی دعا کی گئی۔
بنگلورو کی سماجی کارکن اور مسلم رہنما فاظمہ ایوب خان اپنے وفد کے ساتھ اجمیر پہنچی تھیں۔ جہاں انہوں نے دھان منڈی بازار سے درگاہ تک بڑی شان و شوکت کے ساتھ چادر کا جلوس نکالا۔ ناظمہ نے اپنے خواتین گروپ کے ساتھ خواجہ صاحب کے صحن میں عقدت کی چادر اور پھول پیش کیے۔
ایس کے آر مارکیٹ بنگلور کے وفد کے رکن سلیم خان نے بتایا کہ یہ چادر ہر سال خادم حاجی سید سلیم بنہ کی موجودگی میں خواجہ صاحب کی بارگاہ میں پیش کی جاتی ہے۔ اس چادر میں جنید ایوب خان اور وارڈ نمبر 139 کے دیگر کارکنان نے بھی شرکت کی۔
یہ بھی پڑھیں:Rajasthan Assembly Election 2023 راجستھان کانگریس کے انچارج سکھجندر سنگھ رندھاوا کی اجمیر درگاہ پر حاضری
اس موقع پر عام زائرین میں لنگر کا بھی اہتمام کیا گیا۔ دربار کی دستار بندی کے ساتھ ساتھ خادم سید سلیم بنہ نے وفد کے تمام زائرین کو تبرک بھی پیش کیا۔ اس موقع پر خادم سید سلیم بنا چشتی نے سبھی کو زیارت کرائی اور مسلم سماجی کارکن ایوب خان کے لیے مغفرت کی بھی دعا کی۔
