ریاست راجستھان کے سینئر صحافی ایم فاروق خان نے ریاستی حکومت کو زبردست تنقید کا نشانہ بنایا۔
اقرا میگزین کے سینئر صحافی ایم فاروق خان کا کہنا ہے کہ راجستھان حکومت مدرسہ تعلیم، اردو تعلیم اور مدرسہ پیرا ٹیچر کو لیکر بالکل بھی سنجیدہ نہیں ہے۔
انہوں نے مزید کہا کہ راجستھان کی کانگریس حکومت بی جے پی کے نقشے قدم پر چلتی ہوئی نظر آرہی ہے۔ انہوں نے کہا کہ سابقہ بی جے پی حکومت میں جب وزیر تعلیم واسودیو دیوانی تھے وہ جس طرح سے فیصلے لے رہے تھے، اسی طرح سے راجستھان کی کانگریس حکومت موجودہ وقت میں فیصلے لے رہی ہے۔
انہوں نے کہا کہ راجستھان کی موجودہ حکومت اردو تعلیم، مدرسہ تعلیم، راجستھان اردو اساتذہ اور راجستھان مدرسہ پیرا ٹیچر کا بھلا کرنا ہی نہیں چاہتی ہے۔
یہ بھی پڑھیں: گہلوت کی سپریم کورٹ سے کاشتکاروں کے مفاد میں از خود نوٹس لینے کی اپیل
انہوں نے کہا کہ راجستھان کی کانگریس حکومت نے اپنے انتخابی منشور میں کافی وعدے کیے تھے۔ لیکن وہ وعدے آج زمینی سطح پر مکمل ہوتے ہوئے نظر نہیں آرہے ہیں۔
انہوں نے کہا کہ آج تک ایک بھی وعدہ پورا نہیں کیا گیا ہے۔ یہاں کے مدرسہ پیرا ٹیچر صرف آٹھ سے نو ہزار روپے میں بچوں کو بہترین تعلیم فراہم کر رہے ہیں۔ ان اساتذہ کے بارے میں حکومت کو سوچنا چاہیے اور ان کے تنخواہ میں اضافہ کرنا چاہیے۔
