عالمی شہرت یافتہ بزرگ حضرت خواجہ غریب نوازؒ کی درگاہ کمیٹی کی میٹنگ دہلی میں مرکزی وقف کونسل میں اقلیتی امور کے انڈر سیکریٹری ندیم خان کی موجودگی میں ہوئی۔
درگاہ کمیٹی کے چیئرمین امین پٹھان کی زیر صدارت میں سالانہ بجٹ کا اجلاس بھی ہوا جس میں درگاہ ترقیاتی کاموں کے لیے 10 کروڑ روپے کے بجٹ کو منظوری دی گئی۔
امین پٹھان کا چوتھی مرتبہ صدر منتخب ہونا ترقیاتی کاموں کا ایک تحفہ ہے اور ان کے گذشتہ تین سالوں سے ایک اچھی سمجھ اور صلاحیت کا نتیجہ ہے کہ انہیں صدر کی حیثیت سے منتخب کیا گیا۔
اس اجلاس میں ناظم اشفاق حسین سیکرٹری اور چیف ایگزیکٹو آفیسر کی حیثیت سے موجود تھے۔
اس موقع پر درگاہ کمیٹی کے وائس چیئرمین منور خان، فاروق اعظم، قاسم ملک، سید شاہد حسین رضوی، سید بابر اشرف، سپت خان، وسیم راحت علی اور جاوید پاریک موجود تھے۔
بجٹ پر آمدنی کم ہونے کے ذرائع پر تبادلہ خیال کرتے ہوئے زائرین کی سہولت اور ترقی کے ساتھ ساتھ مقامی لوگوں کو فائدہ پہنچانے کے لئے اس تجویز پر ایک لائحہ عمل طے کرنے کا فیصلہ کیا گیا۔ واضح رہے کہ '16 جون کو اجلاس کا دوسرا دن ہوگا۔'
