عالمی وباء کورونا وائرس کے درمیان ایک بار پھر عوام کو مشکلات کا سامنا کرنا پڑ سکتا ہے، یہاں ریاست راجستھان میں 12 اکتوبر سے ایمبولینس کے چکے جام کردیے جائیں گے، اس بات کا فیصلہ ایمبولینس ملازمین کی جمعرات کے روز ہوئی ریاستی سطح کی ایک اہم اجلاس میں لیا گیا۔
یہ ایمبولینس ملازمین اپنے مطالبات کو لے کر کافی زیادہ جدوجہد کرتے ہوئے نظر آر رہے ہیں لیکن ابھی تک حکومت کی جانب سے ان کی مطالبات کو نہیں مانا گیا، ایسے میں ایک بار پھر دوبارہ سے ان تمام لوگوں نے ایمبولینس کا چکا جام کرنے کا فیصلہ کیا ہے۔
یہ بھی پڑھیں: جے پور میں پی ایف آئی کارکنان کا احتجاج
ایمبولینس ملازم کے ریاستی صدر وریندر سنگھ شیخاوت نے بتایا کہ ایمبولینس یونین ملازمین کے اجلاس میں ایمبولینس 108 اور 104 کے ملازمین نے حصہ لیا اور ہڑتال پر جانے کا فیصلہ کیا ہے۔
وریندر سنگھ شیخاوت کا کہنا ہے کہ ہم 2019 سے اپنے مطالبات کو لے کر کافی زیادہ جدوجہد کر رہے ہیں لیکن پھر بھی حکومت کی جانب سے ہم لوگوں کو یقین دہانی کے علاوہ کچھ بھی نہیں کیا گیا، انہوں نے بتایا کہ آج بھی ایمبولینس ملازمین کورونا وباء کے درمیان سب سے پہلے کارکردگی کرتے نظر آ رہے ہیں لیکن پھر بھی ہمیں حکومت نظر انداز کر رہی ہے۔
