دلی سے اجمیر شریف زیارت کے لیے آنے والے شخص کو پولیس اہلکار نے درگاہ میں داخل ہونے سے قبل ہی حراست میں لے لیا ہے۔
اجمیر میں واقع حضرت خواجہ غریب نواز کی درگاہ سے محبت اور اس کا نظارہ کے لیے دلی سے اجمیر تک ایک شخص زیارت کرنے پیدل پہنچ گیا۔
لاک ڈاؤن میں نہ کھانے پینے کی فکر نہ ہی اپنی جان کی پرواہ اس شخص کا نام محمد یونس ہے۔
محمد یونس یوپی ضلع بدایوں کا رہنے والا ہے۔ پولیس کے مطابق یونس کو درگاہ کے نظام گیٹ پر ہی روک دیا گیا جہاں اس نے حضرت خواجہ غریب نواز کی چوکھٹ چوم کر اپنی تمنا پوری کی۔
'یونس نے یہ بھی بتایا کہ 'وہ آٹھ سال سے بیمار ہے اور اسے امید ہے کہ خواجہ صاحب کی بارگاہ میں پہلی بار حاضری سے سب دکھ تکلیف دور ہو جائے گی
اجمیر کی طبی ٹیم نے محمد یونس کی موقع پر ہی اسکیننگ کی اور کورونا وائرس کی جانچ کیلئے اسے ہاسپٹل بھی لے گئی گیا۔
خاص بات یہ ہے کہ خواجہ صاحب کی چوکھٹ چومنے کے بعد یونس 108 ایمبولینس میں خود سے ہی بیٹھ گیا اور اپنی جانچ کے لیے میڈیکل ٹیم کے ساتھ اسپتال روانہ ہوگیا۔
فی الحال یونس کی کورونہ جانچ آنے تک اسے ہاسپٹل میں ہی رکھا جائےگا اور اس کی دیگر بیماری کا علاج بھی کیا جائے گا۔
