راجستھان حکومت کی کورونا گائیڈلائن کے مطابق اجمیر شریف میں مساجد کے باہر بورڈز نصب کئے گئے جس سے ’گھروں میں ہی رہتے ہوئے عبادات کرنے کی ترغیب دی گئی‘۔
اجمیر: گھروں میں ہی عبادات کا اہتمام کرنے کی ترغیب
رمضان المبارک کے پہلے جمعہ کے موقع پر اجمیر کی مساجد میں کورونا گائیڈ لائن پر عمل کرتے ہوئے بہت کم مصلیوں نے نماز ادا کی جبکہ مساجد کے باہر نصب کئے گئے بورڈ پر تحریر کیا گیا تھا کہ ’کورونا وبا سے محفوظ رہیں، گھروں میں ہی نماز ادا کریں اور دیگر عبادات کا اہتمام کریں‘۔
اجمیر کی مساجد میں صرف انہی لوگوں کو داخلہ کی اجازت دی جارہی ہے جو کمیٹی کے ارکان ہیں یا ایسے افراد جو مسجد میں ہی قیام کرتے ہیں۔ واضح رہے کہ راجستھان حکومت نے تمام مذہبی مقامات پر عقیدت مندوں کے داخلے پر پابندی عائد کردی ہے۔
