اجمیر: ریاست اجمیر ڈیلر ایسوسی ایشن کے صدر دیپک بمل نے بتایا کہ پچھلے دو برسوں سے سرکاری محکموں نے پٹرول اور ڈیزل کے واجبات ادا نہیں کیے ہیں۔ اس سے ایسوسی ایشن کو بڑا نقصان ہو رہا ہے۔ اگر اجمیر ضلع کی بات کریں تو یہاں بھی مختلف محکموں پر دس کروڑ سے زیادہ کے بقایا جات ہیں۔ تاہم اجمیر میں بھی بڑی رقم بقایا چل رہی ہے اور ادھار پٹرول ڈیزل سرکاری محکمے کی گاڑیوں میں ڈالا جا رہا ہے۔ اس کے علاوہ ڈیلرز بھی VAT سے پریشان ہیں۔ پیٹرولیم ڈیلرز اب ان دونوں مسائل پر احتجاج کرنے پر مجبور ہیں۔
یہ بھی پڑھیں:MIG 21 Crash in Rajasthan ہنومان گڑھ میں مگ 21 جنگی طیارہ گر کر تباہ، تین افرادہلاک، تین زخمی
اجمیر ایسوسی ایشن کے صدر دیپک بمل نے کہا کہ 15 مئی کو جے پور میں امر جوان جیوتی پر دھرنا دیا جائے گا اور 30 مئی کو راجستھان میں پٹرول اور ڈیزل پر VAT میں کمی کا مطالبہ کرتے ہوئے پٹرول پمپ بند رہیں گے۔ اجمیر ایسوسی ایشن کے صدر دیپک بمل نے کہا کہ پچھلے دو برسوں میں پورے ضلع کے کچھ محکموں سمیت تقریباً نصف درجن ڈیلروں پر کروڑوں روپے واجب الادا ہیں۔ اس میں صرف ایک ڈیلر پر ریاستی حکومت کے پاس پچھلے پانچ برسوں سے کروڑوں روپے واجب الادا ہیں۔ انہوں نے کہا کہ ڈیلرز کو پیٹرول ڈیزل لینے کے لئے بھی پیسوں کی ضرورت ہوتی ہے۔ انہوں نے کہا کہ ہم نے کسی کو پٹرول و ڈیزل دینے سے انکار نہیں کیا ہے لیکن ہمارے جو بقایہ اسے واپس کر دینی چاہیے۔ اس سے ہمارے کاروبار کا مستقبل جڑا ہوا ہے۔
