Dargah Committee Accused of Mismanagement: اجمیر درگاہ کمیٹی پر بد انتظامی کا الزام

عالمی مشہور اجمیر شریف درگاہ میں بد انتظامی پر مقامی باشندے درگاہ کمیٹی سے ناراض ہیں۔ تنظیم صوفی مشن سوسائٹی کے تحت درگاہ کمیٹی کو ایک میمورنڈم سونپا گیا، جس میں صوفی حضرت خواجہ معین الدین حسن چشتیؒ کی درگاہ میں نظر آ رہی بد انتظامیوں سے آگاہ کرواتے ہوے اسے جلد از جلد درست کیے جانے کا مطالبہ کیا۔ Ajmer Dargah Committee Accused of Mismanagement

صوفی مشن سوسائٹی کے یہ کارکنان درگاہ کمیٹی کے خلاف نعرے لگارہے ہیں۔ یہ اجمیر شریف درگاہ کمیٹی کے دفتر کا منظر ہے جہاں زائرین کے لئے مناسب انتظامات نہ ہونے پر درگاہ کمیٹی کے خلاف عوام نے شدید غم و غصے کا اظہار کیا اور درگاہ کمیٹی کے خلاف نعرے بازی کا مظاہرہ کیا۔ Dargah Committee Accused of Mismanagement

سوسائٹی کے مطابق درگاہ اور اس کے اردگرد خراب انتظامات نے درگاہ کمیٹی کے انتظامات کے دعووں کی پول کھول دی ہے۔ جہاں غلاظت کا نظارہ عام ہو گیا ہے, وہیں درگاہ کے ہائی پاور سکیورٹی سی سی ٹی وی کیمرے بھی ٹھیک سے کام کرنے سے بے بس ہیں۔ درگاہ کے علاقے میں تقریباً 75 کیمرے نصب ہیں، جن میں سے آدھے سے زیادہ بند پڑے ہیں، ایسے میں سوسائٹی نے درگاہ کمیٹی پر زائرین کی حفاظت میں کوتاہی برتنے کا الزام لگایا ہے۔