اجمیر: عالمی شہرت یافتہ خواجہ معین الدین چشتی کی درگاہ پر حاضری دینے کے بعد بی جے پی اقلیتی مورچہ کے قومی صدر جمال صدیقی نے میڈیا سے گفتگو کرتے ہوئے کہا کہ حضرت خواجہ غریب نواز کی بارگاہ برسوں سے تمام مذاہب کے لیے ایمان کا مرکز رہی ہے۔ آج ہم صوفی سنواد مہا ابھیان کے قومی شریک کنوینر سید افشاں چشتی کی نگرانی میں زیارت کر رہے ہیں۔ انہوں نے کہا کہ آج وزیر اعظم نریندر مودی کی قیادت میں ہندوستان عالمی سطح پر ایک مضبوط ملک کے طور پر ابھرا ہے۔ نریندر مودی بلا تفریق تمام مذاہب کے لوگوں کے لیے کام کر رہے ہیں۔ اس لیے آئندہ انتخابات میں راجستھان کی عوام کو بھی خواجہ صاحب کا فیض حاصل ہوگا۔ صدیقی نے کہا کہ ہمارا مقصد گدی نشین، خدام، تصوف کے پیروکاروں اور درگاہوں سے وابستہ لوگوں کے مسائل کو وزیر اعظم نریندر مودی تک پہنچانا ہے۔ مودی جی پہلے وزیر اعظم ہیں جنہوں نے درگاہوں سے وابستہ لوگوں کی فکر کی۔
زیارت کے بعد صوفی سمواد ٹیم کا اجلاس بھی ہوا جہاں جمال صدیقی کا استقبال اجمیر کی صوفی سمواد ٹیم نے کیا۔ جہاں جمال صدیقی نے کارکنوں سے خطاب کیا اور آئندہ کے پروگراموں کے خاکہ سے بھی آگاہ کیا۔ اس موقعے پر نیشنل کوآرڈینیٹر صوفی سمواد مہا ابھیان سید افشاں چشتی، کوآرڈینیٹر درگاہ انچارج کمال بابر خان، سابق ریاستی نائب صدر منصف علی خان، سٹی صدر شفیق خان، صوفی سمواد کنوینر سید معراج چشتی, کوآرڈینیٹر صادق علی بھی موجود تھے۔
یہ بھی پڑھیں: Shabina khan بالی ووڈ فلم پروڈیوسر ہدایت کار شبینہ خان اجمیر شریف درگاہ پہنچیں
اس کے علاوہ ندیم چشتی، سید لطافت۔عالم، وزیر چشتی، تیج پال ساہنی، سید تاج الحق، سید غلام حسین چشتی، سلیم بانا، فردین چشتی، سید معشوق علی تارا گڑھ درگاہ، حنیف علی، عظمت حسین، اسلم خان کوٹہ سے، عمر خان۔ فاروق اشرف، سید نسیم مسٹر وغیرہ اور دیگر موجود تھے، چشتی فاؤنڈیشن کی جانب سے بھی جمال صدیقی کا استقبال کیا گیا۔
