ریاست راجستھان کے شہر اجمیر میں متعدد مذہبی رہنماؤں کی جانب سے ایک بیداری ویڈیو جاری کیا گیا ہے۔ جس میں کورونا سے بچنے کی تدابیر کا ذکر کیا جارہا ہے۔
اجمیر: متعدد مذہبی رہنماؤں کی کورونا سے بچاؤ کے لیے بیداری مہم
مختلف مذاہب کے رہنماؤں نے آج ضلع کلکٹر آفس اور سپرنٹنڈنٹ آفس پہنچ کر وہاں کلکٹر اور ایس پی سے ملاقات کی۔ انہوں نے کووڈ-19 سے بچاؤ کے لیے مہم کی بنائی ہوئی بیداری ویڈیو ان کے حوالے کی۔
اس ویڈیو میں تمام مذہبی نمائندوں نے عوام سے اپیل کرتے ہوئے کہا ہے کہ منہ پر ماسک لگائیں اور سماجی دوری بنائے رکھیں اور لوگوں کو وبا اور اس کے علاج سے آگاہ کیا ہے۔
فرینڈشپ ایسوسی ایشن نے کلکٹر اور ایس پی سے اس ویڈیو کو عام کرنے کا مطالبہ کیا ہے۔ کلکٹر اور ایس پی کے ساتھ ہی تمام مذہبی رہنماؤں نے بھی اس پہل کا استقبال کیا ہے۔
