اجمیر کی آدرش نگر پولیس Adarsh Nagar Police نے بڑی کارروائی انجام دیتے ہوئے مکھو پورہ بائی پاس کے قریب ایک گودام سے بھاری مقدار میں غیر قانونی دھماکہ خیز مواد برآمد کئے ہیں۔
غیر قانونی دھماکہ خیز اشیا ضبط
یہ دھماکہ خیز مواد چٹانوں اور پہاڑوں کو توڑنے کے لیے استعمال کئے جاتے ہیں۔ مخبر کی اطلاع پر آدرش نگر پولیس اسٹیشن نے گودام پر چھاپہ مار کر کارروائی انجام دی۔
سب انسپکٹر کنہیا لال نے بتایا کہ جیلیٹن کے 8 پیکٹ، 3 کارٹون ڈیٹوینیٹر کے ساتھ چیتن سنگھ نامی نوجوان کو حراست میں لیا گیا ہے۔
بھاری مقدار میں دھماکہ خیز مواد برآمد ہونے کے بعد گودام کے مالک پرمود جین کے خلاف دھماکہ خیز مواد ایکٹ کے تحت مقدمہ درج کیا گیا ہے۔
اس پورے معاملے میں آدرش نگر پولس دیگر افراد سے بھی معلومات حاصل کر رہی ہے۔
