ریاست راجستھان کے دارالحکومت جے پور کے برہم پوری تھانہ علاقے کے فقیروں کی ڈنگری میں چاقو مار کر ایک نوجوان کا قتل کرنے کا معاملہ سامنے آیا ہے۔
اس پورے معاملے کے بعد پولیس نے اس کیس میں ایک ملزم کو گرفتار کیا ہے، جبکہ یہ معاملہ شام چھ بجے کا بتایا جا رہا ہے، علاقے میں کسی طرح سے ماحول خراب نہ ہو اس کے لیے پولیس ٹیم کا ایک دستہ بھی تعینات کردیا گیا ہے۔
جے پور پولیس نے ای ٹی وی بھارت سے بات چیت کے دوران بتایا کہ اشفاق نام کا ایک نوجوان چار سے پانچ لوگوں کے ساتھ تاش کھیل رہا تھا، اسی درمیان ان لوگوں کے بیچ میں کوئی بات ہوئی، جس کے بعد اشفاق پر ان لوگوں نے چاقو سے حملہ کرنا شروع کردیا۔
پولیس نے بتایا کہ اشفاق کو ہسپتال لے جاتے وقت راستے میں ہی اس نے دم توڑ دیا، پولیس افسران نے بتایا کہ پورے معاملے کو لے کر اشفاق کی بہن سائرہ بانو نے پولیس میں رپورٹ درج کرواتے ہوئے بتایا ہے کہ شاعر اور اس کے دو بھائیوں نے مشترکہ ایک سوچھی سمجھی سازش کے تحت اشفاق کا قتل کیا ہے۔
پولیس نے بتایا کہ رپورٹ درج ہونے کے بعد شاعر کو گرفتار کرلیا گیا ہے، تاہم صبح جے پور کے ایس ایم ایس ہسپتال میں اشفاق کا پوسٹ مارٹم کیا جائے گا، افسران نے بتایا کہ علاقے میں کسی طرح سے ماحول خراب نہ ہو اس کے لیے پولیس ٹیم کی ایک نفری تعینات کی گئی ہے۔
