راجستھان کے ضلع اجمیر کے علاقے شیو نگر میں ایک شادی شدہ خاتون نے خودکشی کی کوشش کی لیکن موقع پر مقامی لوگوں کی مدد سے اسے بچالیا گیا۔
متاثرہ خاتون کی والدہ کے مطابق سسرال والوں کی جانب سے متاثرہ خاتون کو کئی دنوں سے پریشان کیا جارہا تھا اور اس کی ساس و شوہر آئے دن کچھ نا کچھ چیزوں کی مانگ کیا کرتے تھے جب خاتون کے مائیکے والے ان کی مانگ پوری کرنے میں ناکام ہوتے تب متاثرہ کے سسرال والے اس کی خوب پٹائی کرتے۔
اس سب سے تنگ آکر خاتون نے اپنے گھر میں پھانسی کا پھندا لگاکر خودکشی کی کوشش کی لیکن اسے بچالیا گیا جس کے بعد سے اجمیر کے جواہر لال نہرو اسپتال میں داخل کرایا گیا جہاں اس کی حالت نازک بتائی جارہی ہے۔
