اے ٹی ایم میں چھیڑ چھاڑ کی کوشش

راجستھان کے دارالحکومت جے پور کے سانگانیر تھانہ علاقے میں ایک بدمعاش نے اے ٹی ایم مشین میں کلوننگ کرنے کی کوشش کی۔

وہیں ایک شخص کی سمجھداری کی وجہ سے اس واقعہ کا علم ہو گیا اور پولیس کو اس کی اطلاع دے دی گئی۔

پولیس سی سی ٹی وی کمیرے میں قید ویڈیو کی بنیاد پر بدمعاش کو تلاش کر رہی ہے۔ویڈیو میں نظر آ رہا ہے کہ ایک بدمعاش اے ٹی ایم کارڈ کی کلوننگ کے لیے گائتری نگر کے ایس بی آئی بینک کے اے ٹی ایم کیبن میں داخل ہوا۔ اس کے بعد اس نے پلاسٹک کی تھیلی سے کوئی چیز نکال کر مشین کے اس حصے میں فٹ کردی جہاں سے کارڈ کو سویپ کیا جاتا ہے۔ اس کے بعد اس نے اپنے اے ٹی ایم کارڈ سے اس کی جانچ بھی کی کہ کیا کلوننگ ٹھیک سے ہو رہی ہے یا نہیں۔ویڈیو میں یہ بھی نظر آ رہا ہےکہ اس نے پن ہول کیمرہ نکالا اور اسے مشین کے اس حصے میں فٹ کیا جہاں گاہک اپنا پن نمبردباتا ہے۔ اس کے بعد اس نے پھر اے ٹی ایم کارڈ کا استعمال کیا، یہ دیکھنے کے لیے کہ پن ہول صحیح سے کام کررہا ہے یا نہیں۔ اس دوران اے ٹی ایم سے روپے نکالنے آئے چار افراد کا اے ٹی ایم کلون بھی تیار ہو گیا لیکن ان میں سے پانچویں شخص کی سمجھداری کی وجہ سے اسکیمر اور پن ہول کیمرہ سیٹ کے بارے میں معلوم ہوگیا۔

بینک انتظامیہ اور پولیس کو اس معاملے کی شکایت کی گئی ہے۔ پولیس نے موقع پر پہنچ کر دونوں تکنیکی آلے کو ضبط کرکے بدمعاش کو تلاش کرنا شروع کر دیا ہے۔