ریاست راجستھان کے ضلع جھالاواڑ کے شاہراہ 52 پر گل خیڑی گاؤں کے قریب ناگورسے حیدرآباد جا رہی گاڑی بے قابو ہوکر شاہراہ کے پل سے نیچے گر گئی۔
اس حادثے میں 9 مزدور زخمی ہوگئے۔ سبھی کو سی ایس سی ہسپتال میں علاج کے لئے داخل کرایا گیا۔ ان میں سے پانچ مزدوروں کو جھالاواڑ ڈسٹرکٹ اسپتال ریفر کردیا گیا۔
واقعے کی اطلاع ملتے ہی گھاٹولی پولیس موقع پر پہنچ گئی۔
گھاٹولی پولیس آفیسر نینو رام مینا نے بتایا کہ 'ضلع ناگور کے مزدور وہاں سے مزدور کے لئے حیدرآباد جارہے تھے۔'
انہوں نے بتایا کہ ' اسی بیچ شاہراہ پر پل سے گزرتے وقت اچانک گاڑی بے قابو ہوگئی اور پل کے نیچے جا گری۔
بتایا جا رہا ہے کہ ' اطلاع ملتے ہی گلخیڑی کے سرپنچ دولت رام موقع پرپہنچ گئے اور گاؤں والوں کی مدد سے گاڑی کو باہر نکالا اور ایمبولینسوں کی مدد سے زخمیوں کو علاج کے لئے ہسپتال میں داخل کرایا۔'
