راجستھان میں جمعہ کی صبح کورونا کے 738 نئے کیس درج ہوئے ہیں۔ اس کے بعد راجستھان میں کل مثبت مریضوں کی تعداد 86 ہزار 965 ہوگئی ہے۔ اسی دوران پچھلے 12 گھنٹوں کے دوران 7 مریضوں کی موت واقع ہوگئی ہے۔ ریاست میں جمعرات کی صبح جے پور، جودھ پور اور کوٹہ میں سب سے زیادہ متاثرہ مریض دیکھنے کو ملے ہیں۔
محکمہ صحت سے موصولہ اطلاع کے مطابق جمعہ کی صبح اجمیر سے 37، الور سے 31، بانسواڑ سے 31، بارا سے 22، بھرت پور سے 8، بھیلواڑہ سے 6، بیکانیر سے 30، بوندی سے 12، چتور گڑھ سے 11، چورو سے 13، سری گنگانگر سے 6، جے پور سے 148، جھالاواڑ سے 25 ، جھنجھنو سے 22، جودھپور سے 111، کوٹہ سے 107، ناگور سے 10، پالی سے 22، پرتاپ گڑھ سے 14، راجسمند سے 17، سوئی مادھو پور سے 19، سیکر سے 13، سروہی سے 6، ٹونک سے 5 اور ادے پور سے 4 کورونا مثبت کیس پائے گئے ہیں۔ پچھلے 12 گھنٹوں میں سروہی میں 1، اجمیر میں 1، سیکر میں 1، چتورگڑھ میں 1، جے پور میں 2 اور جھالاواڑ میں 1 مریض کی موت واقع ہوگئی ہے۔ اس کے بعد راجستھان میں کورونا سے 1102 مریضوں کی موت ہوئی۔
اس کے علاوہ ریاست میں اب تک 23 لاکھ 92 ہزار 144 افراد کی سیمپلنگ لی جا چکی ہے جس میں 23 لاکھ 02 ہزار 972 کورونا رپورٹ منفی آئی ہے اور 2207 افراد کی رپورٹ آنا باقی ہے۔ اب تک 71 ہزار 249 مثبت مریضوں کی رپورٹ منفی آئی ہے اور 70 ہزار 189 مریض اسپتال سے فارغ ہوچکے ہیں۔
اس کے علاوہ راجستھان میں کورونا کے 14614 فعال معاملے ہیں جس میں 9398 تارکین وطن شامل ہیں۔ اس کے علاوہ اب تک 189 دیگر ریاست کے مثبت مریضوں کی اطلاع ملی ہے۔
