ریاست راجستھان کے ضلع اجمیر میں آج صبح عالمی وبا کورونا کے 58 نئے معاملے سامنے آئے ہیں جس سے ضلع میں کورونا انفیکشن سے متاثروں کی تعداد بڑھ کر 3817 ہوگئی ہے۔
محکمہ طب نے بتایا کہ نئے معاملوں میں ضلع کے نصیرآباد اور پشکر میں پانچ، پانچ معاملے سامنے آئے ہیں۔
میڈیکل افسر ڈاکٹر وِنے کپور نے بتایا کہ نصیرآباد سول شعبہ سے اب تک کورونا کے 163 معاملے سامنے آچکے ہیں، جن میں 52 سرگرم معاملے ہیں۔
تیرتھ راج پشکر میں رضاکارانہ تین روزہ لاک ڈاؤن کے دوسرے دن کورونا کے پانچ نئے معاملے سامنے آئے۔
میڈیکل افسر ڈاکٹر آر کے گپتا کے بتایا ہے کہ نئے معاملوں میں کیشو نگر سے 21 برس کے نوجوان، یگیہ گھاٹ سے 79 برس کے بزرگ شخص، فرینڈس کالونی سے 52 برس کے ٹیچر سمیت وراہ گھاٹ سے 30 برس کی خاتون اور چھوٹی بستی سے پچاس برس کے ایک شخص شامل ہیں۔ نئے معاملوں میں باقی ضلع کے دیگر علاقوں سے ہیں۔
واضح رہے کہ ضلع میں اب تک کورونا وائرس کی جانچ کے لیے 84 ہزار 342 لوگوں کا نمونہ لیا گیا، تاہم اب تک 3817 اس سے متاثر پائے گئے جن میں 3256 مریض صحتیاب ہوچکے ہیں۔
