تیزاب سے ادرک دھونے کا کوئی معاملہ نہیں

پنجاب کی منڈیوں میں تیزاب سے ادرک دھونے اور اسے فروخت کرنے کی میڈیا رپورٹ کے بعد تندرست پنجاب مشن نے آج ریاست بھر کی سبزی منڈیوں میں جانچ کی جس میں تیزاب سے ادرک دھونے کی بات کہیں سامنے نظر نہیں آئی۔

یہ اطلاع تندرست پنجاب مشن کے ڈائریکٹر کے ایس پنوں نے آج یہاں دی۔ انہوں نے سب ڈویژن، ضلع اور مارکیٹ کمیٹی کی سطح پر اس معاملے کی جانچ کے لیے قائم کی گئی ٹیموں کو یہ ذمہ داری سونپی۔
منڈی بورڈ، فوڈ سیفٹی اور باغبانی محکمہ کے افسران کی ٹیموں کوجانچ کے دوران منڈیوں میں تیزاب سے دھوئی گئی ادرک نہیں ملی۔ انہوں نے کہا کہ 'اس جانچ کے دوران تقریبا 140.40 کوئنٹل گلے-سڑے پھل اور سبزیاں ملیں جنہیں موقع پر ہی تباہ کر دیا گیا۔'
واضح رہے کہ گزشتہ کچھ دنوں سے ملک میں تیزاب کے ساتھ دھلی ادرک کی فروخت سے متعلق سوشل میڈیا پر خبریں وائرل ہونے کے ساتھ ساتھ کئی نیوز چینلوں میں بھی یہ اطلاع دی جا رہی تھی۔