چنڈی گڑھ: پنجاب پولیس نے علیحدگی پسند تنظیم وارث پنجاب دے کے سربراہ اور خالصتان کے حامی امرت پال اور اس کے حامیوں کے خلاف آپریشن کے دوران گزشتہ ایک ہفتے کے دوران حراست میں لیے گئے 200 سے زیادہ لوگوں میں سے 44 کو جمعہ کے روز رہا کر دیا۔ ایڈیشنل ڈائریکٹر جنرل آف پولیس (اے ڈی جی پی- لاء اینڈ آرڈر) ارپت شکلا نے کہا کہ 'پولیس نے ان لوگوں کو رہا کرنے کا فیصلہ کیا ہے جن کا کم سے کم کردار تھا یا صرف مذہبی جذبات کی وجہ سے امرت پال سنگھ سے وابستہ تھے۔ اس فیصلے کے تحت 44 افراد کو مستقبل میں اچھے سلوک کا وعدہ کرکے رہا کر دیا گیا۔
انسپکٹر جنرل آف پولیس سکھچین سنگھ گل نے جمعرات کے روز کہا تھا کہ گرفتار کیے گئے 207 افراد میں سے 30 کے خلاف کارروائی کی جائے گی، جو مجرمانہ سرگرمیوں میں ملوث تھے لیکن دیگر 177 افراد، جنہیں احتیاطی اقدام کے طور پر حراست میں لیا گیا تھا، کی تصدیق کی جائے گی اور انتباہات کے بعد چھوڑا جا سکتا ہے۔ وہیں پانچ لوگوں کو آسام کی ڈبروگڑھ سینٹرل جیل بھیج دیا گیا ہے۔ ان لوگوں پر قومی سلامتی ایکٹ (راسوکا) کے تحت کارروائی کی گئی ہے۔ اس کے ساتھ ہی 'وارس پنجاب دے' تنظیم کے سربراہ اور خالصتان کے حامی امرت پال سنگھ پنجاب پولیس کی گرفت سے دور ہیں۔ امرت پال کو آخری بار ہریانہ میں دیکھا گیا تھا۔ ذرائع کے مطابق امرت پال کیس میں مرکزی ایجنسیوں نے پنجاب کی انٹیلی جنس ایجنسیوں کے ساتھ خفیہ میٹنگ کی ہے۔
یہ بھی پڑھیں: Amritpal Singh Update امرت پال سنگھ کا اتراکھنڈ میں داخل ہونے کا امکان، ایک خاتون حراست میں
یو این آئی
