وزیر اعلی کیپٹن امریندر سنگھ کی صدارت میں آج ہوئی کابینہ کی میٹنگ میں ریاستی حکومت نے ملازمین کے 31 دسمبر 2015 کی بیسک تنخواہ میں کم از کم پندرہ فیصد اور اس سے زیادہ اضافہ کرنے اور کچھ بھتے بحال کرنے کا فیصلہ کیا ہے۔ حکومت کے اس فیصلے سے ملازمین کی تنخواہ/ پنشن میں سالانہ اوسطاً ایک لاکھ روپے سے زیادہ کا اضافہ ہوگا جو چھٹے پے کمیشن کی گزشتہ یکم جولائی سے نافذ کی گئی سفارشات کے مطابق 79,250روپے تھا۔
اس سے پہلے حکومت نے ملازمین کے لیے پے کمیشن کی سفارشات کے مطابق 4700کروڑ روپے کا تحفہ دیا تھا۔
میٹنگ میں تمام وزرا، انتظامیہ کے سکریٹریوں اور محکموں کے سربراہان کو اپنے محکمہ سے متعلق ملازمین کی شکایتوں کو جلد حل کرنے کی ہدایت بھی دی گئی۔ حکومت کا دعوی ہے کہ آج کے فیصلے سے ملازمین کی تمام جائز مانگوں کا حل ہوجائے گا۔
یو این آئی
