جموں و کشمیر میں ڈی ڈی سی انتخابات کے لیے سیاسی سرگرمیاں عروج پر ہیں اور جنوبی کشمیر کے ترال علاقے میں بھی متعدد امیدوار قسمت آزما رہے ہیں وہیں کچھمولہ گاوں سے تعلق رکھنے والے ایک سابق عسکریت پسند بھی ڈی ڈی سی انتخابات میں حصہ لیا ہے۔
ذرائع کے مطابق ظھور احمد شیخ نے ڈی ڈی سی انتخابات میں حصہ لینے کا فیصلہ کر کے ترال کے عوام کی نمائندگی کرنے کا فیصلہ کیا ہے، آج ترال میں نامہ نگاروں کے ساتھ بات کرتے ہوئے ظھور احمد شیخ نے بتایا کہ وہ ترال کے عوام کی آواز بننا چاہتے ہیں۔ انھوں نے لوگوں سے اپیل کی ہے کہ وہ سمجھداری کے ساتھ اپنے حق راے دہی کا استعمال کریں تاکہ ایک قابل اور محنتی امیدوار کو کامیاب بنائیں۔
انتخاب کے پیش نظر ظھور احمد شیخ گھر گھر جا کر لوگوں سے اپنے حق میں ووٹ ڈالنے کی اپیل کر رہے ہیں، واضح رہے ترال اور آری پل بلاکوں سے دس اور نو امیدواروں نے پرچہ نامزدگی داخل کرایا ہے، جہاں پر دوسرے مرحلے میں اتتخاب ہونا ہے۔
