ضلع پلوامہ کے اکھو کاکاپورہ میں محکمہ جل شکتی کی جانب سے سال 2006 میں ایک واٹر سپلائی سکیم کے ساتھ ساتھ واٹر فلٹریشن پلانٹ بھی قائم کیا گیا تھا۔ اس کا افتتاح پی ڈی پی کے سابق ایم ایل اے پانپور ظہور احمد میر نے اس وقت کیا تھا۔ تاہم یہ فلٹریشن پلانٹ پچھلے 12 سالوں سے کسی وجہ سے ناکارہ ہو چکا ہے جس کی وجہ سے اکھو علاقہ کے لوگوں کو آلودہ پانی پینے کے لئے استعمال کرنا پڑتا ہے۔ اس تعلق سے لوگوں نے محمکہ جل شکتی کے خلاف احتجاجی مظاہرہ کیا۔
احتجاجی مظاہرین مانگ کر رہے تھے کہ انہیں پینے کے لئے صاف پانی مہیا کیا جائے۔
اس حوالے سے علاقہ کے لوگوں نے بات کرتے ہوئے کہا کہ وہ پچھلے 12 سالوں سے آلودہ پانی استعمال کر رہے ہیں۔ انہوں نے کہا کہ اگرچہ ہم نے ضلع انتظامیہ اور محکمہ جل شکتی کے آفسران کی نوٹس میں یہ معاملہ کئی بار بلایا، تاہم انہوں نے اس پر کوئی کارروائی نہیں کی۔ انہوں نے کہا آلودہ پانی کے استعمال سے ان کے علاقے میں بیماریاں پھوٹ پڑنے کا خطرہ لاحق ہے۔
یہ بھی پڑھیں: پلوامہ: 'سیلاب کا کوئی خطرہ نہیں، لوگ خوفزدہ نہ ہوں'
محمکہ جل شکتی کے افسر فرید عبدالرشید نے اگرچہ کیمرہ کے سامنے آنے سے منع کیا تاہم انہوں نے کہا کہ 2014 کے تباہ کن سیلاب سے اس فلٹریشن پلانٹ کو کافی نقصان پہنچایا تھا، تاہم اب اس پر جل جیون مشن کے تحت کام کیا جائے گا اور اس کو رواں سال کے جون مہینے تک مکمل کیا جائے گا۔
