وادی کے بیشتر مقامات کی طرح ضلع پلوامہ میں بھی پچھلے چند دنوں سے وقفے وقفے سے بارشوں کا سلسلہ جاری ہے جس کی وجہ سے ندی نالوں میں پانی کی سطح بڑھ گئی ہے۔ وہیں، پانی کی بڑھتی سطح سے کسانوں میں کافی تشویش پھیل گئی ہیں۔
ضلع کے بعض ندی نالوں کے کناروں پر باندھ نہ ہونے کی وجہ سے بارشوں کا پانی کھیتوں میں چلا گیا ہے جس کی وجہ سے کسان بے حد پریشان دکھائی دے رہے ہیں۔
پلوامہ کے کوئیل علاقے کے کسانوں نے بتایا کہ معمولی بارشوں کے سبب سڑکیں زیر آب آجاتی ہے جس سے راہگیروں سمیت مقامی باشندوں کو آمد و رفت میں دقتوں کا سامنا کرنا پڑتا ہے۔ وہیں، ان کے مطابق کھیتوں میں بارش کا پانی جمع ہونے سے باغات اور فصلوں کو شدید نقصان پہنچتا ہے۔
انہوں نے کہا کہ ندی نالوں کے کناروں پر باندھ تعمیر کرنے کے مطالبے کو نظر انداز کیے جانے کے سبب مقامی باشندے خاص کر کسانوں کو دقتوں کا سامنا کرنا پڑتا ہے۔
انہوں نے انتظامیہ کو تنقید کا نشانہ بناتے ہوئے کہا کہ ’’انتظامیہ اور متعلقہ محکمے اپنے دفاتر میں کرسی پر بیٹھ کر صرف کاغذی گھوڑے دوڑاتے ہیں، جبکہ زمینی سطح پر ٹھوس اقدامات نہیں کیے جا رہے ہیں۔‘‘
