جموں و کشمیر کے ضلع پلوامہ کے ترال میں واقع گرین پارک اسٹیڈیم میں نہر پریمیئر لیگ کے تیسرے سیزن کا فائنل مقابلہ پنر زلمی اور پاری بل الیون کے درمیان کھیلا گیا۔ اس دوران اس ٹی-10 کرکٹ مقابلے کو دیکھنے کے لیے آس پاس کے گاؤں سے تعلق رکھنے والے کھیل شائقین کی ایک بڑی تعداد نے میچ کے دوران کھلاڑیوں کی حوصلہ افزائی کیا۔
فائنل میچ میں اچھی کارگردگی دکھانے والے زاہد خلیل کو مین آف دی میچ جبکہ کپتان شبیر احمد کھانڈے کو مین آف دی سیریز قرار دیا گیا۔ خیال رہے یہ ٹورنامنٹ گزشتہ برس دسمبر میں شروع ہوا تھا جو کہ کورونا وائرس کی وجہ سے پورا نہیں ہو پایا تھا۔
واضح رہے کہ یہ ٹی- 10 کرکٹ ٹورنامنٹ نہر ترال کا تیسرا سیزن تھا۔ فائنل مقابلے میں نوجوان صحافی بشارت رشید بھی موجود تھے جنہوں نے کھلاڑیوں کی حوصلہ افزائی کی۔
اس سلسلے میں منتظمین کا کہنا تھا کہ 'کھیل کو بڑھاوا دینے کے ساتھ ساتھ کھلاڑیوں کی حوصلہ افزائی کے لیے ایسے ٹورنامنٹس کا انعقاد مستقبل میں بھی کیا جائے گا۔
واضح رہے کہ چار کروڑ روپے کی لاگت سے ترال میں ایک انڈور اسٹیڈیم زیر تعمیر ہے۔
